Bilboko Udal Musika Banda

_{SOL GILTZAN   Maiatza 2021}
Ezaguera dudanetik musika entzuten bizi izan naiz, etxean, ama koplarekin eta aita 60ko eta 70eko hamarkadetako rock and rollarekin, eta aitona-amonen etxean, konpositore italiarren oberturek hainbeste gustatzen zaidan horretarako prestatu ninduten.
Nik tronpeta jo nahi nuen, baina Erriberako Albalat Bandak kaxa bat eta perkusio metodo bat erosi zizkidan eta hilabete batzuetan kolpeak ematen aritu nintzen. Horretan nenbilen ni gaur egun nire laguna den Honorio Muñoz irakaslea eta Valentziako Udal Bandako bakarlaria eskolara heldu zenean. Fitxaketa aprobetxatu behar zen eta laster kaxa tronpagatik aldatu zidaten, baina ez edozein tronpa, Ervitin erositako Alexanderrekoa eman baitzidaten. Irakasle eta tresna honekin, mutil hark musikarako balio izatea eta garrantzitsuena, gustuko izatea besterik ez zen falta.
Bilboko udal Bandaren lehen deia Mestallan harrapatu ninduen Valencia CF ikusten, 2002ko irailean. Informatika ikasteko Unibertsitatean matrikulatuta nengoela, honakoa galdetu zidaten: “Bandara hilabete eta erdi batez jotzera etor zaitezke?” 22 urterekin, karrera hastear zegoela, eskola batzuetan musika eta tronpa klaseak ematen eta bizitza Valentzian gutxi gorabehera antolatua, joan zaitez 700 km-ra… Baina ez nuen bitan pentsatu, horretan aritu nahi baduzu aprobetxatu beharreko aukera baita. Lehen aldi honetan, duela 21 urte, askoz aukera gehiago etorri ziren, 2008an plantillan sartu nintzen arte. Beti pentsatu izan dut Bilboko udal Banda nire iparraldeko familia dela. Gurekin lan egitera datorren jende guztia erakusten dugun gertutasunaz eta tratu onaz harrituta geratzen da, eta horrek harrotasunez betetzen gaitu Bilbao Musikako kideoi.
Asko pasatu da geroztik, baina gurasoek eta aitona-amonek lehenik eta gero irakasleak haur horri irakatsitako musikarekiko ilusioak eta maitasunak bere horretan jarraitzen dute.
Musika ez daitela gelditu, ilusioa ez daitela geratu!