Zuzendariak eta Bakarlariak


Juan Jesús Silguero - Bilboko Udal Musika Bandaren Flauta


Bilbaomusika Irún (Gipuzkoa), 1966
Felipe Gorriti, XIX. mendearen amaieran Tolosako organista eta kaperako maisua izan zenaren zuzeneko ondorengoa da. Artisten familia batetik dator eta eskultore, musikari eta literatoen arten hezi da. Literaturan Cervantesen eta artean Michelangelo eta Leonardo da Vinciren eragina jaso du; haren mireslea izan da txikitatik eta kontzeptu desberdina proiektatzen duen estetikaren eta artearen ikuspegia eman dio, arteetan eta musikan. Bost urterekin hasi zen musikan, aitaren eskutik, eta bederatzi urterekin flauta ikasten hasi zen Primitivo Azpiazurekin. 1984an Flautako karrera bukatu zuen Ohorezko Matrikularekin eta Goi-mailako Graduko Amaierako Lehen Sariarekin Donostiako Goi mailako Musika Kontserbatorioan, Teodoro Martinez de Lecea irakaslearekin.
Flautako ikasketak jarraitu zituen Baionan (Frantzia) Jean Pierre Chambón L’École National de Musique eskolako irakaslearekin eta Espainian Euskadiko Orkestra Sinfonikoko irakaslea den Carlos Rosat-ekin. 1998 eta 2002 urteen bitartean eskola magistralak jaso zituen Madrilen Antonio Arias-ekin (Espainiako Orkestra Nazionaleko eta Madrileko Musikako Goi-mailako Kontserbatorioko irakaslea). Ikasle aktiboa izan zen udako zenbait ikastarotan irakasle ospetsuekin: A. Carreres, S. Gratacós, Vicens Prats, Ch. Lardé, A. Marion edo Magdalena Martínez. 1983an Gipuzkoako Aurrezki Kutxa Probintzialak antolatutako Gazte Interpretatzaileentzako I. Lehiaketa irabazi zuen. 1987an finalista izan zen Gasteizen egindako Espainiako III. Yamaha Lehiaketan.
1995ean diploma eskuratu zuen Euskal Herriko Unibertsitatean Irakasle Ikasketetan. Flautaren pedagogiaz liburuki bitan argitaratutako metodo baten egileetako bat da. Lau urtetan Euskal Herriko Flauta Topaketak antolatu eta zuzendu ditu. Bertan izan dira Antonio Arias, Juana Guillem, Vicens Prats, Jaime Martín edo Salvador Espasa irakasleak. Jesús Arambarri Haize Boskotearen eta Euskal Herriko Flauten Orkestraren fundatu ditu. Jesús Arambarri Musika Eskolako Flauta irakaslea izan da 1991tik 1997ra. Hainbat kolaborazio egin ditu Euskadiko Orkestra Sinfonikoarekin (Alemanian eta Austrian), Bilboko Orkestra Sinfonikoarekin (Japonian, 2009an) eta Espainiako Orkestra Nazionalarekin (Madrilen, 2006an eta Pragan, 2008an). Zenbait kontzertu eman ditu bakarlari modura eta ganbera-taldeetan Espainia osoan. 2008ko martxoan Espainian lehen aldiz interpretatu zuen Mike Mowerren “Flauta eta Bandarentzako Kontzertua”, Bilboko Arriaga Antzokian, Bilboko Udal Bandarekin batera. Banda horretan flauta bakarlaria da, lehiaketa-oposizioz, 1984tik.
2008ko irailean Los Caballeros del Traverso izeneko ordena fundatu zuen, Espainiako flauta-jotzailerik ospetsu eta esanguratsuenak biltzeko. Zalduneria Ordena munduko hori leku askotan onartzen da eta atzerrian ere ezagutzen dute bere berezitasunagatik eta kideen kalitatearengatik. 2009ko azaroan Artista Pearl Espainian izendatu zuten. Japoniako etxe horrek, ibilbide profesionala kontuan hartuta, euren instrumentuen enbaxadoretzat jo daitezkeen musikariei ematen die sari hori.
Julio Hernándezen instrumentuen Artista da Espainian. Julio Hernández Argentinako trabersoen eta aho-piezen egile ospetsua da. 1992an argazkigintzarako zaletasuna etorri zitzaion eta tokiko sari bi jaso ditu. Larruaren artisaua ere bada eta pasio horren eraginez bere instrumenturako zenbait proiektu garatzen ditu, bere ahalmen sortzaile guztia askatuz.
Juan Jesús Silguerok Pearl Maesta Handmade 18K Gold flauta eta Yamaha 874W flauta, J. Hernándezen aho-piezarekin, jotzen ditu.